Májilis salyq salý máselelerin qamtyǵan qujatty birinshi oqylymda maquldady
ASTANA. 9 qazan. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
Atalǵan zań jobasy jańa bıýdjet saıasaty tujyrymdamasyn jáne Salyq salý máseleleri jónindegi konsýltatsııalyq keńestiń sheshimderin iske apsyrý maqsatynda ázirlengen.
«Halyqtyń áleýmettik zııandy taýarlar yntasyn tómendetý maqsatynda temeki jáne alkogol ónimderine aktsızder mólsherlemesin arttyrý kózdeledi. Bul rette alkogol ónimderi boıynsha stavkany arttyrý tek kúshti alkogol ishimdikterine qatysty bolady. Alkogoli az ónimder mólsherlemesin keler jyly qaraý josparlanyp otyr», deıdi Ekonomıka jáne bıýdjettik josparlaý mınıstri Erbolat Dosaev.
Toqtala ketetin jaıt, zań jobasyn Májiliste talqylaý barysynda «Nur Otan» partııasynyń fraktsııasy jek tulǵalardyń múlki men kólik quraldaryna salyqtyń mólsherlemelerin ózgertý boıynsha usynystar engizgen bolatyn. Mınıstr atalǵan usynystar tujyrymdamaly túrde qoldanylǵanyn atap ótti.
Eske sala keteıik, «Nur Otan» fraktsııasynyń depýtattary usynǵan ózgerister eń aldymen, qozǵaltqysh kólemi 4 myń tekshe sm-den asatyn kólikterge qatysty bolmaq. Atap aıtqanda, kólikke salynatyn salyq túrine qatysty - qozǵaltqysh kólemi 4 myńnan, 5 myń tekshe sm-ge deıingi kólikter úshin salyq mólsherin 130 aılyq eseptik kórsetkishke (AEK) deıin, al, kólemi 5 myń tekshe. sm-den asatyn kólikter úshin salyq mólsherin -200 AEK deıin ósirýdi jáne qarapaıym azamattarymyzdyń múddesine nuqsan keltirmes úshin jańa salyqtyq mólsherlemelerdi 2014 jyldyń, 1-shi qańtarynan bastap satylyp alynatyn kólikterge qoldaný kózdeledi. ıAǵnı, erterekte satylyp alynǵan kólikter úshin burynǵy salyq kólemin qaldyrý qarastyrylady. Jyljymaıtyn múlikke baılanysty salyq boıynsha joǵarylatylatyn koeffıtsıent joıylyp, baspana qunyna qatysty neǵurlym ádil tásilge almastyrý josparlanǵan. Bul salyq salý kezinde, ásirese, quny joǵary baspanalar úshin neǵurlym negizdi bolmaq.
Zań jobasynyń tujyrymdamasyna Májilistegi «Halyqtyq kommýnıster» fraktsııasy qarsy shyqqan bolatyn. Degenmen, daýys berý barysynda zań jobasy birinshi oqylymda maquldandy, qujat ekinshi oqylymǵa ázirleý úshin bas komıtetke tapsyrylady.
