Májilis saqtandyrý máseleleri jónindegi zań jobasyn birinshi oqylymda maquldady
amyrdyń 12-si. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «QR keıbir zańnamalyq aktilerine saqtandyrý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady,
dep habarlaıdy QazAqparat.
Zań jobasynyń negizgi maqsaty jınaqtaýshylyq ómirdi saqtandyrýdy damytý maqsatynda Qazaqstan Respýblıkasynyń saqtandyrý zańnamasyn odan ári jetildirý qajettiliginen týyndaıtyn saqtandyrý deldaldyǵy qyzmetiniń naqty quqyqtyq negizderin belgileý bolyp tabylady. Sonymen birge, qujatta saqtandyrý statıstıkasynyń tolyqqandy biryńǵaı bazasyn qalyptastyrý jolymen tarıftik saıasat máselelerin sheshý, otandyq jáne halyqaralyq tájirıbelerdi eskere otyryp, saqtandyrý naryǵynyń ınfraqurylymyn damytý sharalary kózdeledi.
Qujatty qabyldaý jınaqtaýshylyq saqtandyrýdy odan ári damytýdy, saqtandyrý naryǵynyń ınfraqurylymyn jetildirýdi júzege asyrady. Sondaı-aq, zań jobasy shoǵyrlandyrylǵan qadaǵalaýdy jetildirýdi yntalandyrýǵa múmkindik beredi.
Zań jobasymen jumys barysynda depýtattar tarapynan 200-den astam usynys kelip túsip, onyń 184 pozıtsııasy qabyldanǵan.
Birinshi oqylymda maquldanǵan zań jobasy ekinshi oqylymǵa ázirleý úshin Bas komıtetke tapsyrylady.
