Májilis reglamentine tolyqtyrýlar engizdi

Reglamentke engizilgen tolyqtyrýlarǵa oraı, jalpy otyrysta saıası partııanyń atynan sóz sóıleýshige mindetti túrde sóz beriledi, al jaryssóz toqtatylǵannan soń depýtattyq birlestikter múshelerine sóz berý mindetti norma retinde engizilgen. 
Atap aıtqanda, Májilis reglamentiniń 14-tarmaǵy boıynsha jalpy otyrysta jaryssózge bólingen ýaqyt aıaqtalǵanda ne jalpy otyrysqa qatysyp otyrǵan depýtattar kópshiliginiń sheshimi boıynsha toqtatylyp, degenmen sóz sóıleýdi talap etetininderge qatysyp otyrǵan depýtattardyń kópshiligi kelisken jaǵdaıda ǵana oǵan sóz beretin edi.
Endi reglamenttiń osy tarmaǵy «saıası partııa fraktsııasynyń, depýtattyq toptyń atynan sóz sóıleýshilerge mindetti túrde sóz beriledi» degen tolyqtyrý engizildi. Budan bólek, 161-tarmaqtyń 6-tarmaqshasyna sáıkes, depýtattyq birlestikterdiń músheleri saıası fraktsııasynyń, depýtattyq toptyń atynan jaryssóz toqtatylǵan kezde depýtattyq birlestiktiń atynan sóz sóıleýdi talap etýge quqyly edi. Jańa tolyqtyrýlarǵa sáıkes, depýtattyq birlestiktiń atynan sóz sóıleýshilerge bundaı talap etý quqyǵynan bólek, oǵan mindetti túrde sóz beriletin bolyp otyr.