Májilis raqymshylyqqa qatysty zań jobasyn qaraıdy
Bul týraly búgin Parlament Májilisiniń jalpy otyrysynda málim boldy, dep habarlaıdy QazAqparat tilshisi.
«Bul zań jobasy Memleket basshysynyń 2020 jylǵy 29 qazandaǵy tapsyrmasyn oryndaý maqsatynda ázirlendi. Zań jobasy Qazaqstan Respýblıkasy Táýelsizdiginiń otyz jyldyǵyna oraı izgilik qaǵıdaty negizinde qalmystyq atqarý júıesi mekemelerinde ustalatyn jáne probatsııa qyzmetiniń esebinde turǵan adamdardy jazadan ári qylmystyq jaýaptylyqtan bosatýǵa, jazanyń ótelmegen bóligin qysqartýǵa baǵyttalǵan», - dedi Májilistiń Zańnama jáne sot-quqyqtyq reforma komıtetiniń tóraǵasy Arman Qojahmetov.
Onyń aıtýynsha, qoǵam jáne memlekettiń qaýipsizdigine eleýli qater tóndirmeıtin qylmystar jasaǵany úshin sottalǵan adamdardy, onyń ishinde áleýmettik osal sanatyndaǵy el azamattaryn jazadan bosatýǵa múmkindik beredi.
Eske sala keteıik, QR Іshki ister mınıstrligi «Raqymshylyq jasaý týraly» Qazaqstan Respýblıkasynyń zań jobasyn qoǵam talqylaýyna usyndy.
Byltyrǵy 29 qazanda Іshki ister mınıstrliginiń keńeıtilgen alqa májilisine qatysqan Prezıdent Qasym-Jomart Toqaev Qazaqstan Táýelsizdiginiń 30 jyldyǵyna oraı, azamattarǵa jáne jalpy memleketke qaýip keltirmeıtin qylmys jasaǵan adamdarǵa amnıstııa jasalatynyn jetkizdi.