Májilis pen Senat TMD Parlamentaralyq Assambleıasyndaǵy ókiletti ókilin bekitti
NUR-SULTAN. QazAqparat - Májilis jáne Senat Bıýrosy óz otyrystarynda TMD-nyń Parlamentaralyq Assambleıasyndaǵy ókiletti ókili laýazymyna Igor Musalımovtyń kandıdatýrasyn bekitti, dep habarlaıdy QazAqparat qos palatanyń baspasóz qyzmetine silteme jasap.
Igor Musalımov dıplomatııalyq jumysta tájirıbesi mol, Qazaqstannyń Belarýs, Lıtva, Chehııa, Grýzııa, Moldovadaǵy dıplomatııalyq ókildikterinde jumys istegen. 2019 jylǵy maýsymnan beri QR Syrtqy ister mınıstrliginiń Ádep jónindegi ýákili.
Aıta ketý kerek, TMD Parlamentaralyq Assambleıasynyń quramyna kiretin árbir Parlament TMD PAA Keńesiniń Hatshylyǵyna turaqty negizde jumys isteıtin óziniń ókiletti ókilin jiberedi.
