Májilis pen Senat depýtattary Atyraýdaǵy birqatar nysandardy aralady
ATYRAÝ. QazAqparat - Májilis depýtattary Baqtyqoja Іzmuhambetov pen Jeksenbaı Dúısebaev, Senat depýtaty Ǵumar Dúısembaev jumys saparymen Atyraý oblysyna keldi, dep habarlaıdy QazAqparat.
Jumys sapary barysynda depýtattar Mahambet aýdanyndaǵy áleýmettik jáne óndiristik nysandarmen tanysty.
«Almaly qus» qus fabrıkasy aımaqtaǵy iri óndiristik nysandardyń qatarynan sanalady. Mekemede 100-den astam qyzmetker bar, úsh tsehta táýligine 150 myń jumyrtqa óndiriledi. 2017 jyldan 2018 jyldyń naýryzyna deıin qus fabrıkasynda 50 myń tonna qus eti óndirildi.
Mekeme basshysynyń aıtýynsha, óndiris qýatyn ulǵaıtý úshin qosymsha jabdyqtar alyp, taǵy bir tsehty iske qosý kerek.
«Qazir qoldanystaǵy úsh tsehtan shyqqan ónimder Mahambet aýdany men Atyraý qalasyndaǵy dúkenderdi jumyrtqamen, qus etimen qamtyp otyr. Óndiris kólemin kóbeıtip, qyzmetkerlerdiń jumystaryn jeńildetý úshin jańa jabdyqtar iske qosylyp jatyr», - deıdi qus fabrıkasynyń dırektory Vıktor Patsts.
Depýtattar «Bódene» qus fabrıkasynyń da jumysymen tanysty. Fabrıkada 6 230 bódene bar, kúnine 1 700 bódene jumyrtqasy shyǵarylady, olar mektepterge jetkiziledi.
Depýtattar «Birinshi mamyr» sút fabrıkasynda da boldy, munda 1 100 asyl tuqymdy golland sıyry bar. Kúnine 27 túrli sút ónimderin óndiredi. Bir asyl tuqymdy sıyr jylyna 6 400 lıtr sút beredi.
Mahambet aýdanyna jumys sapary kezinde depýtattar Jaıyq ózeni ústinen salynyp jatqan kópir qurylysyn baryp kórdi. Jańa nysan Mahambet, Inder aýdandary arasyndaǵy kólik qatynasyn rettep, oblys ortalyǵyn keptelisten bosatady.
Halyq qalaýlylary, sondaı-aq, Mahambet aýdany turǵyndarymen kezdesip, memleket basshysynyń Bes áleýmettik bastamasyn júzege asyrýdyń basty qaǵıdalaryn talqylady. Jurtshylyqpen júzdesýge oblys ákimi Nurlan Noǵaev ta qatysyp, Elbasy bastamasynyń mańyzdylyǵy jaıynda aıtty jáne jergilikti atqarýshy organdar tarapynan ony júzege asyrý baǵytynda jasalyp jatqan jumystardy baıandady.
