Májilis pen respýblıka máslıhattary depýtattarynyń saılaýyn 800-den astam halyqaralyq baıqaýshy baqylaıtyn bolady - OSK
ASTANA. 9 qańtar. QazAqparat /Aıdar Ospanalıev/ - Ortalyq saılaý komıssııasy búgin bıylǵy jyldyń 15 qańtaryna taǵaıyndalǵan Májilis pen máslıhat depýtattarynyń saılaýyna taǵy 30 halyqaralyq baıqaýshyny tirkedi.
Osylaısha Májilis pen máslıhat depýtattarynyń saılaýyna Syrtqy ister mınıstrliginiń usynysymen 8 halyqaralyq uıymnan 819 baıqaýshy tirkeldi. Al shet memleketterden tirkelgen baıqaýshylar sany - 29. Buǵan qosa Syrtqy ister mınıstrligi baıqaýshy retinde taǵy shet memlekettiń 118 buqaralyq aqparat quralynyń ókilin tirkedi. ıAǵnı olar da elimizde ótkizilgeli otyrǵan saılaýdyń tıisti baǵasyn beretin bolady.
Esterińizge sala keteıik, búgin túngi saǵat 24-00-de Májilis pen máslıhat depýtattarynyń saılaýyna baıqaýshylardy tirkeý aıaqtalady.
