Májilis pen máslıhattar depýtattyǵyna kandıdattar sotqa 166 aryz túsirgen
«Sotqa Parlament Májilisi men máslıhattar depýtattyǵyna kandıdattardan 166 aryz túsken. Onyń ishinde Joǵarǵy sotqa 55, mamandandyrylǵan aýdanaralyq ákimshilik sottarǵa 104 jáne aýdandyq sottarǵa 7 aryz berildi. Búginde sotta 164 aryz-shaǵym qaraldy. Onyń ishinde 49 is qanaǵattandyryldy, 84 is boıynsha qanaǵattandyrýdan bas tartyldy, 15 talap qoıýshy aryzyn keri qaıtaryp aldy jáne sot 16 aryzdy qaraýsyz qaldyrdy», - dedi Ortalyq saılaý komıssııasynyń múshesi Asylbek Smaǵulov.
Aýdandyq komıssııalardyń sheshimderimen Parlament Májilisiniń depýtattyǵyna 6 kandıdattyń quqyǵy qalpyna keltirilgen.
«Onyń ishinde Astana qalasy boıynsha beseý jáne Shymkent qalasy boıynsha bireý. Sotqa túsken 166 aryzdyń 135-i depýtattyqqa kandıdattar usynǵan aktıvter men mindettemeler týraly deklaratsııalardaǵy málimetterdiń durys emestigi týraly, sol sııaqty memlekettik kiris organdarynan aqparat usynylǵannan keıin saılaý komıssııalary qabyldaǵan kandıdattardy tirkeýdiń kúshin joıýǵa qatysty», - deıdi ol.
Onyń aıtýynsha, Saılaý týraly Konstıtýtsııalyq zańnyń 89-baby 4-3-tarmaǵynyń 4-tarmaqshasyna, 104-baby 6-1-tarmaǵynyń 4-tarmaqshasyna sáıkes okrýgtik saılaý komıssııasy deklaratsııada aktıvter men mindettemeler týraly málimetterdiń durys emestigi anyqtaǵan jaǵdaıda kandıdatty tirkeý týraly sheshim kúshin joıady.
