Májilis pen máslıhat saılaýynda daýys berý jaǵynan Almaty, Qostanaı jáne Atyraý oblystary belsendilik tanytyp keledi
ASTANA. 15 qańtar. QazAqparat /Aıdar Ospanalıev/ - Saǵat 18-00-degi málimetter boıynsha, Májilis pen máslıhat depýtattary úshin eń belsendi daýys bergen aımaqtar Almaty men Qostanaı jáne Atyraý oblystary bolyp otyr.
Bul týraly búgin Ortalyq saılaý komıssııasy tóraǵasynyń orynbasary Vladımır Foostyń jýrnalıstermen bolǵan brıfıngte taratqan málimetterinen málim boldy.
Ortalyq saılaý komıssııasy tóraǵasy orynbasarynyń málimetteri boıynsha, Almaty oblysynda saılaýshylardyń 91,29 paıyzy daýys berse, Qostanaıda saılaýshylardyń 84,7 paıyzy óz tańdaýlaryn jasaǵan. Al Atyraýda bul kórsetkish 83,52 paıyzǵa jetip otyr. Sonymen qatar elorda azamattarynyń 40,31 paıyzy tańdaýlaryn jasasa, Almaty qalasyndaǵy saılaýshylardyń nebári 29,15 paıyzy ǵana saılaýǵa qatysqan. Bul rette Almaty qalasynyń daýys berý jaǵynan eń tómengi kórsetkishke ıe bolǵandyǵyn atap ótý kerek.
Al Aqmola oblysynda saılaýshylardyń 77,96 paıyzy, Shyǵys Qazaqstan oblysynda saılaýshylardyń 76,93 paıyzy, Jambyl oblysynda saılaýshylardyń 79,44 paıyzy, Batys Qazaqstan oblysynda saılaýshylardyń 71,2 paıyzy, Qaraǵandy oblysynda saılaýshylardyń 72,79 paıyzy, Qyzylorda oblysynda saılaýshylardyń 80,82 paıyzy, Mańǵystaý oblysynda saılaýshylardyń 62,4 paıyzy, Pavlodar oblysynda saılaýshylardyń 70,5 paıyzy, Soltústik Qazaqstan oblysynda saılaýshylardyń 79,68 paıyzy, Ońtústik Qazaqstan oblysynda saılaýshylardyń 78,62 paıyzy daýys berdi. Respýblıka boıynsha daýys bergen azamattar sany 6 mıllıon 694 myń 199. Bul eldegi jalpy saılaýshylardyń 71,98 paıyzy.
