Májilis Parlamenttegi áıel depýtattar bastamashy bolǵan jetimder týraly zań jobasyn qaraýǵa aldy
ASTANA. QazAqparat - Májilis Parlamenttegi áıel depýtattardyń barlyǵy bastamashy bolyp ázirlegen jetimder men ata-anasynyń qamqorlyǵynsyz qalǵan balalar týraly zań jobasyn qaraýǵa alýda. Bul týraly búgin taǵdyr tálkegine túsken balalardy zorlyq-zombylyqtan qorǵaý jáne olardyń quqyqtaryn saqtaý máseleleri jónindegi ortaazııalyq dıalog barysynda Májilis depýtaty Rahmet Muqashev málim etti.
"ıÝvenaldy ádilet máseleleri elimizdiń zańnamasyn damytýdaǵy ózekti baǵyttyń biri. Zańnamany damytýda zańǵa qaıshy áreket jasaǵan balalardyń ózin qorǵaýǵa nazar aýdarǵyzǵan aktilerdi atap ótýge bolady. Bul rette depýtattar jańa zań jobalaryn ázirleý arqyly osy salaǵa kóp kóńil aýdaryp keledi", - deı kele, Májilis depýtaty jýyrda qabyldanǵan zańdarǵa toqtaldy.
"Jýyrda qabyldanǵan zańdar týraly aıtatyn bolsaq, otbasydaǵy zorlyq-zombylyqtyń aldyn alý jáne máseleni sheshýde depýtattar qolǵa alǵan turmystyq zorlyq-zombylyq máseleleri jónindegi zań jobasy úlken jetistik boldy. Al, eń tómengi áleýmettik standarttar týraly zań jobasynda balalardyń áleýmettik quqyqtaryna kóńil bólingen. Májilis Parlamenttegi áıel depýtattar bastamashy bolǵan jetim jáne ata-anasynyń qamqorlyǵynsyz qalǵan balalarǵa qatysty zań jobasyn qaraýǵa aldy", - dep habarlady ol.
