Májilis: Palatanyń kezekti Bıýro otyrysy ótti
ASTANA. 19 qazan. QazAqparat - Búgin Májiliste Palatanyń kezekti Bıýro otyrysy ótti, dep habarlaıdy Parlament Májilisiniń baspasóz qyzmeti.
Salalyq komıtetterdiń baıandamalaryn tyńdaı kele Bıýro Májilistiń aldaǵy sársenbide bolatyn jalpy otyrysy kún tártibiniń jobasyn qalyptastyrdy.
Parlamentshilerdiń talqylaýyna «Qazaqstan Respýblıkasynyń keıbir zańnamalyq aktilerine básekelestik máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy birinshi oqylymǵa shyǵarylatyn bolady.
Sondaı-aq, osy otyrysta «Jeke basty kýálandyratyn qujattar týraly» Qazaqstan Respýblıkasy Zańynyń jobasy qosymsha túzetýlerimen ekinshi oqylymda talqylanady dep kútilýde.
Kún tártibiniń jobasy boıynsha salalyq komıtetterdiń «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń keıbir zańnamalyq aktilerine ıývenaldyq ádiletti jetildirý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Úkimeti men Ázerbaıjan Respýblıkasynyń Úkimeti arasyndaǵy dıplomatııalyq ókildikterdiń ǵımarattaryn salý úshin jer ýchaskelerin ózara berý týraly kelisimdi ratıfıkatsııalaý týraly» Zań jobalary boıynsha qorytyndy ázirleý merzimi týraly da qarastyrylatyn bolady.
