Májilis otyrysy qaza bolǵan ormanshylardy únsizdikpen eske alýdan bastaldy

ASTANA. QazAqparat – Májilis tóraǵasy Erlan Qoshanov Abaı oblysyndaǵy órtte qaza tapqandardyń jaqyndaryna kóńil aıtty, dep habarlaıdy QazAqparat tilshisi.

Palatanyń jalpy otyrsy bir mınýt únsizdikpen bastaldy.

«Abaı oblysyndaǵy apatty órttiń saldary adam ólimine ákep soqty. Bul aýyr qaıǵy barsha Qazaqstan halqynyń qabyrǵasyn qaıystyrdy. Prezıdent 12 maýsymdy jalpyulttyq aza tutý kúni etip jarııalady. Barlyq depýtattyq korpýs atynan qaza tapqandardyń otbasylary men jaqyndarynyń qaıǵysyna ortaqtasyp, kóńil aıtamyz. Otyrysymyzdy bastamas buryn, qaza bolǵan arystarymyzdy bir mınýt únsizdikpen eske alaıyq», - dedi Erlan Qoshanov.

Eske salaıyq, 8 maýsym kúni tutanǵan «Semeı» ormany rezervatyndaǵy órtpen kúreske jumyldyrylǵan 14 ormanshy qaza boldy. Úsh aýyldyń turǵyndary evakýatsııalandy.

Prezıdent Qasym-Jomart Toqaev jumys saparymen Abaı oblysyna bardy.

12 maýsym elimizde Aza tutý kúni bolyp jarııalandy.

Alapat órtpen kúres áli júrip jatyr.