Májilis Ortalyq Azııa óńirlik ınstıtýtyna qatysty qujatty qabyldady
Zań 2016 jylǵy 26 qazanda Islamabadta jasalǵan Ortalyq Azııa óńirlik ekonomıkalyq yntymaqtastyǵy (OAÓEY) ınstıtýtyn qurý týraly kelisimdi ratıfıkatsııalaýǵa baǵyttalǵan. Kelisimniń maqsaty – Ortalyq Azııa óńirlik ekonomıkalyq yntymaqtastyǵy ınstıtýtyn úkimetaralyq uıym retinde qurý. Ol óńirlik yntymaqtastyq protsesterine qatysý, óńirde birlesken jobalardy jáne jedel ekonomıkalyq ósýdi iske asyrý úshin OAÓEY-ǵa múshe elderdiń múmkindikterin keńeıtý jónindegi fýnktsııalarǵa ıe bolady.
«Instıtýt Ortalyq Azııa elderinde ekonomıkalyq ósýdi jedeldetý maqsatynda 11 eldiń jáne 7 halyqaralyq uıymnyń qatysýymen quryldy. Instıtýt keńsesi Bishkek qalasynda ótken Ortalyq Azııa óńirlik ekonomıkalyq yntymaqtastyq baǵdarlamasynyń 13-shi Mınıstrlik konferentsııasynyń sheshimi negizinde 2015 jyldyń 15 naýryzynda Úrimshide resmı túrde ashyldy. Uıymnyń bas keńsesin Qytaı Halyq Respýblıkasynda ornalastyrý týraly sheshimdi qatysýshy elder daýys berý tásilimen shyǵarǵan bolatyn. Oǵan basty sebep – QHR keńseni óteýsiz negizde berip, onyń jumysyna qarjylaı úles qosty», - dedi Qazaqstan Respýblıkasynyń Ulttyq ekonomıka mınıstri Álibek Qýantyrov.
Onyń aıtýynsha, qazirgi ýaqytta Instıtýtta 35 qyzmetker jumys istep jatyr. Instıtýtqa jumysqa turý uıym saıtynda jarııalanatyn konkýrs arqyly iske asyrylady. 2017 jylǵy 1 qyrkúıekte Instıtýt úkimetaralyq uıymnyń resmı mártebesin alǵan bolatyn. Qazaqstan byltyr 21 aqpanda Instıtýtty qurý týraly kelisimge qol qoıyp, baıqaýshy mártebesin aldy. Atalǵan Kelisim ratıfıkatsııalanǵannan keıin, Qazaqstan Instıtýttyń tolyqqandy múshesi bolady.
«Aıta ketetin mańyzdy jaıt, múshelik jarnany tóleý-tólemeý – Qazaqstannyń óz erkinde qalady. Bul eldiń daýys berý quqyǵyna áser etpeıdi. Óıtkeni, Uıymnyń Basqarýshy keńesi barlyq sheshimderdi múshe elderdiń konsensýsy negizinde qabyldaıdy. Sonymen qatar, Instıtýtqa múshe el depozıtarııge jazbasha habarlama tabystaý arqyly Uıym quramynan kez kelgen ýaqytta shyǵa alady. Instıtýttyń negizgi qyzmeti – zertteýler júrgizý, semınarlar, forýmdar jáne trenıngter men konferentsııalar ótkizý, sonymen qatar ınnovatsııalyq sheshimderdi usynyp, zertteý nátıjeleri men qorytyndylardy taratý, Ortalyq Azııa óńirinde ǵylymı-zertteý ınstıtýttary jelisin damytý», - dedi mınıstr.
Instıtýttyń 5 klasterlik baǵyty aıqyndalǵan. Olar:
- ekonomıkalyq jáne qarjylyq turaqtylyqty qamtamasyz etý;
- saýda, týrızm jáne ekonomıkalyq dálizderdi qurý;
- ınfraqurylym jáne ekonomıkalyq baılanystardy damytý;
- aýyl sharýashylyǵy jáne sý resýrstaryn máselelerin sheshý;
- adamı kapıtaldy damytýdyń sapasy men tıimdiligin arttyrý.
