Májilis órt qaýipsizdigi jónindegi zań jobasyn birinshi oqylymda maquldady
ASTANA. Aqpannyń 17-si. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýattary «Órt qaýipsizdigi týraly» QR zańyna órt qaýipsizdigi salasyndaǵy qaterlerdi táýelsiz baǵalaý júıesin qurý boıynsha ózgerister men tolyqtyrýlar engizý týraly» zań jobasyn birinshi oqylymda maquldady,
dep habarlaıdy QazAqparat.
Atalǵan zań jobasy elimizdegi órt qaýipsizdigi salasyndaǵy qaterlerdi táýelsiz baǵalaý júıesin qurý tujyrymdamasyn iske asyrý sheńberinde ázirlengen. Qujatty qabyldaýdyń maqsaty halyqty, zańdy tulǵalar men jeke kásipkerlerdiń múlkin olardyń qaýipsizdiginiń jaı-kúıin baǵalaý salasyna memlekettik baqylaý organdarymen qatar táýelsiz sarapshy uıymdardy qosý arqyly qorǵaý deńgeıin arttyrý bolyp tabylady. Sondaı-aq, qujatta memlekettik órtke qarsy baqylaý organdary júzege asyratyn tekserýler sanyn qysqartý esebinen qorǵaý nysandaryna ákimshilik júktemeni azaıtý sharalary qamtylyp otyr.
Májilis depýtattary zań jobasyn birinshi oqylymda maquldap, qujat ekinshi oqylymǵa ázirleý úshin Bas komıtetke joldandy.
