Májilis oq-dári qoımalaryna qatysty zań jobasyn maquldady
NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aımaqtar men tyıym salynǵan aýdandar máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaıdy QazAqparat tilshisi.
Zań jobasynyń negizgi maqsaty - Qarýly Kúshterdiń, basqa da áskerler men áskerı quralymdardyń oq-dárileri arsenaldarynyń, bazalary men qoımalarynyń qaýipsiz jumys isteýin, sondaı-aq oq-dárilerdi saqtaý kezinde tótenshe jaǵdaıdyń týyndaýy múmkin bolǵan kezde halyqty, azamattyq jáne basqa da ınfraqurylymdy qorǵaýdy qamtamasyz etý boıynsha zańnamany odan ári jetildirý.
Zań jobasynyń negizgi normalary:
- arsenaldardyń, bazalar men qoımalardyń aýmaqtaryn, sondaı-aq belgilengen tyıym salynǵan aımaqtar men tyıym salynǵan aýdandar sheginde irgeles jatqan aýmaqtardy erekshe jer paıdalaný sharttary bar aımaqtarǵa jatqyzýǵa;
- oq-dáriler arsenaldaryn, bazalary men qoımalaryn paıdalanýmen baılanysty emes ǵımarattar men qurylys jaılar salǵany, sharýashylyq jáne ózge de qyzmetti júrgizgeni úshin ákimshilik jaýaptylyq belgileýge;
- qala qurylysy talaptaryna tyıym salynǵan aımaqtar men tyıym salynǵan aýdandardyń aýmaqtarynda belgilengen tyıym salýlardy saqtaýdy engizýge;
- Qazaqstan Respýblıkasynyń Úkimetine tyıym salynǵan aımaqtar men tyıym salynǵan aýdandardy belgileý qaǵıdalaryn jáne olardyń tizbesin bekitý jónindegi ókilettikterdi berýge baǵyttalǵan.
