Májilis Mońǵolııa azamattarynyń quqyqtaryn qorǵaýǵa baǵyttalǵan qujatty maquldady
1993 jylǵy 22 qazandaǵy Qazaqstan men Mońǵolııa arasyndaǵy azamattyq jáne qylmystyq ister jónindegi ózara kómek týraly Shartqa ózgerister engizý týraly hattama 2019 jyly 10 qazanda Nur-Sultanda jasaldy.
Qujat Qazaqstannyń Mońǵolııamen quqyqtyq yntymaqtastyǵyn odan ári damytýǵa baǵyttalǵan.
«Hattama Qazaqstan Respýblıkasy memlekettik organdarynyń fýnktsııalaryn naqtylaýdy kózdeıdi. Bul eki memlekettiń jeke jáne zańdy tulǵalaryna ózderiniń jeke ári múliktik quqyqtaryn qorǵaý úshin sottarǵa, sondaı-aq basqa da quzyretti organdarǵa tikeleı júginýdi ońaılatady», - dedi QR Ádilet mınıstri Marat Beketaev.
Hattamany iske asyrý jónindegi memlekettik organdar mynalar: Qazaqstan Respýblıkasy úshin – Joǵarǵy sot, Bas prokýratýra jáne Ádilet mınıstrligi;
Mońǵolııa úshin – Ádilet jáne ishki ister mınıstrligi, Bas prokýratýra jáne Joǵarǵy sot.
«Sonymen qatar Hattamamen Qazaqstan Respýblıkasy Іshki ister mınıstrliginiń qylmystyq ister boıynsha quqyqtyq kómek kórsetýdegi quzyretin belgileıtin Sharttyń 27-babyn alyp tastaý kózdeledi.
Sebebi bul máseleler aldaǵy ýaqytta Bas prokýratýranyń quzyretine jatady. Hattamany ratıfıkatsııalaý Qazaqstan men Mońǵolııa azamattarynyń quqyqtaryn qorǵaýǵa baǵyttalǵan azamattyq jáne qylmystyq ister boıynsha quqyqtyq kómek kórsetý salasyndaǵy ekijaqty yntymaqtastyqty odan ári nyǵaıtýǵa yqpal etetin bolady», - dedi mınıstr.
