Májilis «Memlekettik-jekeshelik áriptestik» týraly QR Zańyn maquldady
Atalǵan Zań týraly baıandama jasaǵan QR Ulttyq ekonomıka mınıstri Erbolat Dosaevtyń atap ótýinshe, onda memlekettik-jekeshelik áriptestiktiń qatysýshylar aıasyn jáne qoldanylý salalaryn retteý, memlekettik-jekeshelik áriptestiktiń kelisimsharttyq nysandaryn keńeıtý, ınstıtýttyq memlekettik-jekeshelik áriptestik máselelerin retteý, memlekettik-jekeshelik áriptestik sharttarynyń qurylymyn aıqyndaý, jeke qarjylyq bastamany engizý, memlekettik-jekeshelik áriptestik jobalaryna kvazımemlekettik sektor sýbektileriniń qatysý nysanyn aıqyndaý usynylady.
«Bilim, densaýlyq saqtaý jáne avtojoldar salý sııaqty negizgi salalarmen qatar zań jobasy memlekettik-jekeshelik áriptestikti ekonomıkanyń barlyq salalary men aıalarynda damytýdy boljaıdy. Tyıym tek Memleket basshysynyń tıisti jarlyǵymen jeke nysandar boıynsha salynady. Qarjylyq uıymdardy, ulttyq sala operatorlaryn jáne «Atameken» ulttyq kásipkerler palatasyn qosa alǵanda memlekettik-jekeshelik áriptestik qatysýshylarynyń aıasy zańnama túrinde anyqtalady», - dedi ol.
Sonymen birge E.Dosaev memlekettik-jekeshelik áriptestiktiń kelisimsharttyq nysandaryn ómirlik tsıkl kelisimsharttaryn, ǵylymı-zertteý men tájirıbelik-konstrýktorlyq jumystarǵa arnalǵan kelisimsharttardy, servıstik kelisimsharttardy jáne lızıngtik tetikterdi engizý arqyly eleýli túrde keńeıtýdi kózdeıtinin basa aıtty.
Zań jobasy talqylanǵannan keıin biraýyzdan maquldandy.
Aıta keterligi, Ulttyq ekonomıka mınıstri «QR-nyń keıbir zańnamalyq aktilerine memlekettik-jekeshelik áriptestik salasynda ózgerister men tolyqtyrýlar engzý týraly» QR Zańynyń jobasyn usynyp, ony Májilis depýtattary birinshi oqylymda maquldaǵan bolatyn.
