Májilis memlekettik-jeke menshik áriptestiktiń jańa nysandaryn engizýge baılanysty zań jobasyn birinshi oqylymda maquldady
ASTANA. 13 aqpan. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine memlekettik-jeke menshik áriptestiktiń jańa nysandaryn engizý jáne olardyń qoldaný salalaryn keńeıtý boıynsha ózgerister men tolyqtyrýlar engizý týraly»
zań jobasyn birinshi oqylymda maquldady.
Atalǵan qujat Memleket basshysynyń byltyrǵy qańtardaǵy Joldaýyn iske asyrý maqsatynda, sondaı-aq memlekettik-jeke menshik áriptestikti damytý úshin jaǵdaı jasaý maqsatynda ázirlengen.
Zań jobasy qoldanystaǵy 8 zańnamalyq aktige memlekettik-jeke menshik áriptestiktiń jańa nysandaryn engizýge baılanysty ózgerister engizýdi qarastyrady. Budan bólek, qujat kelisimsharttyq memlekettik-jeke menshik áriptestiktiń jańa úlgilerin engizýdi, áleýmettik baǵyty bar ınvestıtsııalyq jobalar boıynsha jeke sektor úshin tartymdy jaǵdaılar jasaýdy kózdeıdi. Zań jobasymen jumys barysynda depýtattar qujattyń mazmunyn birshama tolyqtyrdy.
Atap aıtqanda, memlekettik ýákiletti organdardyń memlekettik-jeke menshik áriptestik salasyndaǵy quzyretin naqtylaý, konfessıonerlerdiń qyzmetin memlekettik qoldaý baǵytyndaǵy ózgerister qamtyldy.
Birinshi oqylymda maquldanǵan zań jobasy, ekinshi oqylymǵa ázirleýge tapsyrylady.
