Májilis memlekettik statıstıka týraly zań jobasynyń jańa redaktsııasyn birinshi oqylymda maquldady

dep habarlaıdy QazAqparat.

Atalǵan zań jobasynyń negizgi maqsaty respondentterdiń júktemesin azaıtý jáne statıstıkalyq aqparatty paıdalanýshylardyń senim deńgeıin, statıstıkalyq aqparattyń búkpesiz ashyqtyǵyn arttyrý bolyp tabylady. Sonymen birge, qujatta memlekettik organdardyń, respondentterdiń jáne memlekettik statıstıkany paıdalanýshylardyń quqyqtary men mindetterin tıimdi bólý, respondentter beretin bastapqy statıstıkalyq derekterdiń qupııalylyǵyn qamtamasyz etý qarastyrylyp otyr.

«Zań jobasy halyqtyń, bıznestiń, memlekettik organdardyń jáne halyqaralyq uıymdardyń sapaly statıstıkalyq aqparatqa degen suranysyn qanaǵattandyrýǵa baǵyttalǵan. Qujat  statıstıkalyq jáne statıstıkalyq emes qyzmetterdiń arajigin ajyratýdy kózdeıdi. Bul rette statıstıkalyq qyzmetti - statıstıkalyq jumystar josparynyń sheginde ýákiletti organ men memlekettik organdar jáne Ulttyq bank júzege asyrady. Al statıstıkalyq emes qyzmetti strategııalyq retteýshi, iske asyrýshy fýnktsııalaryn júrgizý aıasyndaǵy memlekettik organdar júzege asyrady», dedi zań jobasy boıynsha baıandaǵan QR Statıstıka agenttiginiń tóraǵasy Álıhan Smaıylov.

Onyń aıtýynsha, qujat boıynsha barlyq memlekettik organdardyń eseptiligi retteletin bolady. «Statıstıka sapasy artady, derekterdi engizý men óńdeý jaqsartylady. Derekterdiń elektrondyq qoryna qol jetkizý esebinen óndiristiń qaǵazsyz tehnologııasy engiziledi», dedi agenttik tóraǵasy.

Jalpy zań jobasy BUU-nyń resmı statıstıkanyń negizgi qaǵıdattaryn ornyqtyrý bolyp tabylady. Osylaısha zań jobasy halyqaralyq talaptarǵa sáıkestelinedi.

Birinshi oqylymda maquldanǵan zań jobasy ekinshi oqylymǵa ázirleý úshin komıtetke tapsyrylady.