Májilis memlekettik monopolııa máseleleri jónindegi zań jobasyn birinshi oqylymda maquldady
ASTANA. 14 naýryz. QazAqparat - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine memlekettik monopolııa máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
Atalǵan zań jobasy boıynsha ekonomıkaǵa memlekettiń aralasýyn barynsha azaıtý jáne ulttyq qaýipsizdikti memlekettiń qorǵanys qabiletin, qoǵamdyq tártipti, halyqtyń densaýlyǵyn saqtaýdy qamtamasyz etý maqsatynda memlekettiń kásipkerlik qyzmetke qatysýyn talap etetin aıyryqsha jaǵdaılarda ǵana memlekettik monopolııany engizý kózdeledi.
Sonymen qatar, qujat memlekettik monopolııaǵa jatqyzylǵan salalardy, memlekettik monopolııa dep atalmaıtyn aıyryqsha quqyqtardy qysqartýdy qarastyrady.
Sondaı-aq, básekelestik naryqta qyzmet kórsetý túrlerin usyný múmkindikterin zańnamalyq deńgeıde bekitý ne olardyń memlekettik mekemeler iske asyratyn fýnktsııalarǵa jatqyzý usynady. Budan bólek, baǵa belgileýdiń ashyqtyǵyn jáne memlekettik monopolııa sýbektisiniń joǵary tarıfterdi belgileýge jol bermeýdi qamtamasyz etý úshin olardy Úkimettiń bekitýi kózdeledi. Zań jobasy boıynsha qoldanystaǵy 27 zańnamalyq aktige ózgerister engizilip otyr.
Birinshi oqylymda maquldanǵan qujat, ekinshi oqylymǵa ázirleý úshin Májilistiń komıtetine joldanady.
