Májilis memlekettik materıaldyq rezerv júıesin jetildirýge baǵyttalǵan qujatty maquldady
ASTANA. Qarashanyń 11-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine memlekettik materıaldyq rezerv máseleleri boıynsha ózgerister men tolyqtyrýlar engizý týraly» zań jobasyn maquldady,
dep habarlaıdy QazAqparat.
«Zań jobasy - gýmanıtarlyq kómekter men birinshi kezektegi is-sharalar kórsetý kezinde jedel materıaldyq rezervten materıaldyq qundylyqtardy paıdalaný týraly. Bul rette tabıǵı jáne tehnogendik sıpattaǵy tótenshe jaǵdaılardyń saldarymen kúreste shapshań áreket etý sharalary qarastyrylyp otyr. Budan basqa, memlekettik materıaldyq rezerv salasy boıynsha ýákiletti organnyń quziretin arttyrý qarastyrylady. Atap aıtqanda, atalmysh organǵa «bronnan shyǵarylǵan» materıaldyq qundylyqtardy memlekettik rezervti tolyqtyrý maqsatynda aýdarý sheshimin qabyldaý quqyǵy beriledi. Bundaı shara bıýdjettik qarajattardy tıimdi únemdeýge múmkindik týǵyzady», dedi zań jobasy boıynsha baıandaǵan Tótenshe jaǵdaılar mınıstri Vladımır Bojko.
Májilis maquldaǵan zań jobasy Parlament Senatyna jiberiledi.
