Májilis memlekettik qyzmet kórsetý týraly jobany birinshi oqylymda maquldady
ASTANA. 23 qańtar. QazAqparat - Búgin Parlament Májilisiniń jalpy otyrysynda palata depýtattary «Memlekettik qyzmet kórsetý týraly» zań jobasyn birinshi oqylymda maquldady.
Atalǵan qujattyń maqsaty memlekettik qyzmet kórsetýdi zańnamalyq retteý, memlekettik qyzmetter kórsetý tártibine qoıylatyn birkelki talaptardy qamtamasyz etý bolyp tabylady. Bul rette, memlekettik qyzmet kórsetý salasyndaǵy memlekettik organdar ókilettikteriniń arajigin ajyratý, memlekettik qyzmetterdi, onyń ishinde olardy elektrondyq nysanda kórsetý rásimderin jetildirý kózdeledi.
«Aǵymdaǵy jaǵdaılardy eskere otyryp «memlekettik qyzmet kórsetý» degen jańa uǵym aıqyndalady. Osylaısha, memlekettik qyzmetter kórsetý ony alýshylardyń ótinishi boıynsha júzege asyrylǵan olarǵa tıesili materıaldyq nemese materıaldyq emes ıgilikter berýge baǵyttalǵan jekelegen memlekettik fýnktsııalardyń biri retinde aıqyndaldy. Ekinshiden, kórsetiletin qyzmetti alýshy, qyzmet kórsetýshi jáne memlektetik qyzmet kórsetýdi jetkizýshi degen jańa uǵymdar engizilip otyr», - deıdi Ekonomıka jáne bıýdjettik josparlaý mınıstri Erbolat Dosaev.
Budan bólek, zań jobasymen memlekettik qyzmetter kórsetý sapasyna qoǵamdyq monıtorıng júrgizý kózdeledi.
«Sonymen qatar, memlekettik qyzmet kórsetý tizilimin, standarttaryn jáne reglamentterin ázirleýge qoıylatyn talaptar belgilendi. Bul rette tizilimdi Úkimet bekitedi. Zań jobasynda fýnktsııalardy memlekettik organdardyń tikeleı qaramaǵyna berý arqyly memlekettik standarttaryn bekitý jónindegi Úkimettiń ókilettigin ortalyqsyzdandyrý usynylady», - dedi E. Dosaev.
