Májilis Memlekettik bilim berý jınaqtaý júıesi týraly zań jobasyn maquldady

Eske salsaq, atalǵan zań jobasy,  Memlekettik bilim berý jınaqtaý júıesin engizýdi qarastyrady. Jańa júıeniń maqsaty - kásiptik-tehnıkalyq, joǵary bilim alýǵa memlekettik qoldaýdyń jańa tetigin engizý. Mamandardyń aıtýynsha, mundaı jınaqtaý júıesi Belgııa, Kanada, Malaızııa, Nıderlandy, Sıngapýr, Ispanııa, Shvetsııa, Ulybrıtanııa, AQSh sekildi memleketterde qoldanylyp keledi. Al júıeniń negizgi erekshelikterine kelsek, onda balany oqytý úshin ata-anasynyń qarjy jınaýyna memleket jeńildikter men sýbsıdııalar berý arqyly qoldaý kórsetedi. ıAǵnı, Memlekettik bilim berý jınaqtaý júıesi halyqqa balalaryn oqytý úshin qarjy jınaýyna jeńildik jasap, oqýǵa jumsalatyn shyǵyndardyń bir bóligin memleket óz moınyna alady.

Zań jobasynda bul júıeniń jumys isteý qaǵıdaty da qarastyrylǵan. Máselen, Qazaqstan Respýblıkasynyń kez kelgen azamaty salymshy bola alady. Ol qatysýshy bankte bilim berý jınaqtaý shotyn ashady.
Jınaqtalǵan qarjy úsh bólikten turady. Birinshi - bul salymshy salǵan aqsha. Ekinshi - banktiń aı saıyn aqshany kapıtalǵa aınaldyra otyryp, syıaqy berýi. Bular kádimgi banktegi depozıtter sııaqty júzege asady. Úshinshi bóligi - memlekettik syıaqy. Syıaqy mólsheri, jınaqtalǵan aqshanyń kólemine qaraı jylyna 5 paıyzdy quraıdy. Al, keıbir basymdyq berilgen adamdar toptary úshin (jetim balalar, múgedekter, kóp balaly jáne tabysy az otbasylar) - 7 paıyzdyq deńgeıde belgilengen.

Májilis maquldaǵan zań jobasy Parlament Senatyna jiberiledi.