Májilis marqum O. Muhamedjanovtyń ókilettigin toqtatty
ASTANA. 27 qarasha. QazAqparat - Búgin Parlament Májilisiniń jalpy otyrysynda Oral Muhamedjanovtyń depýtattyq ókilettigi merziminen buryn toqtatyldy.
«QR Konstıtýtsııasyna jáne «QR Parlamenti jáne onyń depýtattary týraly» zańǵa sáıkes, qaıtys bolýyna baılanysty O.B. Muhamedjanovtyń depýtattyq ókilettigin merziminen buryn toqtatý týraly qaýlyny qaraýlaryńyzǵa usynamyz», - dedi atalǵan másele boıynsha Ortalyq saılaý komıssııasynyń múshesi Tatıana Ohlopkova.
Esterińizge sala keteıik, kórnekti memleket qaıratkeri Oral Baıqonysuly Muhamedjanov 15 qazan kúni, 65 jasqa qaraǵan shaǵynda ómirden ozdy. Ol 1948 jyldyń 11 qarashasynda Qostanaı qalasynda dúnıege kelgen. Almaty joǵarǵy partııa mektebin bitirgen saıasattanýshy QR Parlament Májilisiniń 3-4-shaqyrylymdarynyń tóraǵasy boldy. Oǵan deıin el Úkimetinde, QR Prezıdentiniń ákimshiliginde túrli qyzmet atqardy. Sońǵy qyzmeti QR Parlament Májilisiniń depýtaty bolatyn.
