Májilis Mańǵystaý avtojolyn jańartý týraly zań jobasyn jumysqa aldy
ASTANA. 30 qazan. QazAqparat - Májiliste Palata Spıkeri Nurlan Nyǵmatýlınniń tóraǵalyǵymen ótken búgingi jalpy otyrysta Qazaqstan men Azııa Damý Banki arasyndaǵy Qaryz týraly kelisimdi ratıfıkatsııalaıtyn zań jobasyn jumysqa aldy.
Qaryz týraly kelisim «Shetpe-Aqtaý» avtojolynyń shamamen 170 shaqyrym ýchaskesin (632,3 shaqyrym men 802 shaqyrym aralyǵynda) jańartýdy qarjylandyrýǵa 371,3 mln. AQSh dollary mólsherinde qaryz berýdi kózdeıdi.
«Beıneý - Aqtaý» avtojolyn jańartý respýblıka men Mańǵystaý oblysynyń aýmaǵy arqyly halyqaralyq kólik qozǵalysyna jol ashady. Bul týraly QR Parlamenti Májilisi apparatynyń baspasóz qyzmetinen habarlady.
