Májilis mandatynyń 30 paıyzy áıelder, jastar jáne múgedek jandarǵa berilýi tıis - Ábdirov

ASTANA. QazAqparat – Jańadan saılanatyn Májilis mandatynyń 30 paıyzy áıelder, jastar jáne múgedek jandarǵa berilýi tıis. Bul týraly búgin Ortalyq saılaý komıssııasynyń tóraǵasy Nurlan Ábdirov aıtty, dep habarlaıdy QazAqparat tilshisi.

«Saılaý týraly» Konstıtýtsııalyq zańda Parlament Májilisine saılaý kezinde saıası partııalardyń tizimindegi áıelder men jastarǵa úshinshi sanat qosyldy. Bul – múgedektigi bar adamdar. Úsh sanattyń jalpy kvotasy 30 paıyzdan kem bolmaýy kerek», - dedi Nurlan Ábidrov komıssııa otyrysynda.

Onyń atap ótýinshe, bul ózgeris alǵash ret osy naýqanda qoldanylatyn bolady.

«Sonymen qatar bul norma depýtattyq mandatty bólý kezinde de qoldanylady. Sanattaǵy ókilderdiń – áıelderdiń, jastardyń, múgedek adamdardyń sany jıyntyǵy boıynsha partııa alǵan depýtattyq mandattardyń jalpy sanynyń keminde 30 paıyzyn quraýǵa tıis. Saıası partııalar ókilderiniń nazaryn tıisti saılaý rásimderin júrgizý barysynda saılaý zańnamasynyń osy normalaryn da qatań saqtalýyna nazar aýdartamyn», - dedi OSK tóraǵasy.