Májilis maquldaǵan zań jobasy Shekara qyzmetiniń basshylyq quramyn attestattaýdy qarastyrady
ASTANA. 12 jeltoqsan. QazAqparat -Búgin Parlament Májilisiniń jalpy otyrysynda palata depýtattary
«Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń Memlekettik shekarasy jáne Qazaqstan Respýblıkasynyń Ulttyq qaýipsizdik komıteti Shekara qyzmetiniń máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda maquldandy.
Qujattyń kózdeıtini zańnamalyq aktilerdiń normalaryn Májilis maquldaǵan «Memlektetik shekara týraly» zań jobasyna sáıkes keltirý bolyp tabylady. Budan bólek, zań jobasynyń maqsaty quqyqtyq olqylyqtar men kollızııalardy joıý bolyp tabylady. Qujat Elbasynyń júktegen tapsyrmalaryn oryndaý sharalaryn da qarastyrady. Bul rette quqyq qorǵaý organdaryna qatysty ótkizilip jatqan attestatsııa sekildi QR Ulttyq qaýipsizdik komıteti Shekara qyzmetiniń basshylyq quramyn jappaı attestattaýdan ótkizý qamtylyp otyr. Osyǵan oraı UQK aýmaqtyq organ basshylarynyń ókilderi komıssııa quramyna enedi. Sonymen qatar, elimizdiń shet elderdegi mekemelerin kúzetý boıynsha fýnktsııalaryn «Syrbar» syrtqy barlaý qyzmetinen Shekara qyzmetine berý sharalary da kózdeledi.
Toqtala ketetin jaıt, Elbasy tapsyrmasyna sáıkes, attastattaý keler jyldyń qańtar aıynan bastalady.
