Májilis maquldaǵan zań jobalarynyń neǵurlym strategııalyq mańyzdylary - salyq jáne qarjy zańnamasyna qatysty zań jobalary
ASTANA. Qarashanyń 24-i. QazAqparat /Aıdyn Báımen/ - QR Parlamentiniń Májilisi úshinshi sessııasynyń bastapqy aılarynda maquldaǵan zań jobalarynyń ishinde el damýynyń qazirgi kezeńi úshin neǵurlym strategııalyq mańyzdysy - salyq jáne qarjy zańnamasyna qatysty zań jobalary,
dep habarlaıdy QazAqparat.
Májilis Memleket basshysy shuǵyl dep jarııalaǵan keıbir zańnamalyq aktilerine salyq salý máseleleri boıynsha ózgerister men tolyqtyrýlar engizetin zań jobasyn maquldady. Bul qujat keıbir stavkalardy jáne salyq salý talaptaryn ózgertti. Sondaı-aq salyq salýdy qoldaný tájirıbesine sáıkes jekelegen erejeleri naqtylandy. 2009 jylǵy deńgeıdegi korporatsııalyq tabys salyǵy boıynsha 20 paıyz mólsherindegi qoldanystaǵy stavkany 2010-2012 jyldary uzartý kózdeldi. Jeke tulǵalar úshin kólik quraldaryna arnalǵan salyq tóleý merzimi salyq kezeńiniń 31 jeltoqsanyna deıin uzartyldy.
Sonymen qatar, «2010-2012 jyldarǵa arnalǵan respýblıkalyq bıýdjet týraly» zań jobasy maquldandy. Jáne de «2009-2011 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister engizý týraly» zań jobasy da depýtattyq korpýs tarapynan qoldaý tapty.
