Májilis mádenıet jónindegi zań jobasy boıynsha kelisim komıssııasynyń usynystaryn qabyldady
áýirdiń 21-i. QazAqparat /Qanat Mámetqazyuly/ - Búgin QR Parlamenti Májilisinde palata depýtattary «Mádenıet týraly» QR zańyna ózgerister men tolyqtyrýlar engizý týraly» zań jobasy boıynsha qos palata arasyndaǵy kelispeýshilikterdi eńserý jónindegi kelisim komıssııasynyń usynystaryn qabyldady,
dep habarlaıdy QazAqparat.
Atalǵan zań jobasy mádenıet týraly ulttyq zańnamany otandyq kınematografııany, murajaı jáne kitaphana isin qoldaý jáne damytý, sondaı-aq mádenı qundylyqtardy qalyptastyrý men saqtaý bóligin odan ári jetildirý kózdeledi. Zań jobasymen kınematografııa salasy boıynsha túsiniktemelik apparatqa birqatar jańa uǵymdar engizilgen. Buǵan qosa kınematografııa uǵymy da naqtylanyp, kıno sapasyn halyqaralyq standarttarǵa sáıkestendirý maqsatynda kınofılmderdi ındeksatsııalaý júıesi aıqyndalyp otyr. Jobada fılmderdi 6 sanat boıynsha bólý usynylady. Sonymen birge, prokattyq kýálikter berý sharalary da qarastyryldy. Budan basqa, ulttyq kıno uǵymyn aıqyndaýǵa qatysty 4 ólshem anyqtalǵan edi, Senat qabyrǵasyndaǵy talqylaý barysynda bul taǵy bir ólshemmen tolyqty.
Budan basqa, Májilis maquldaǵan zań jobasyna senatorlar birqatar túzetýler engizgen bolatyn. Osyǵan oraı qurylǵan kelisim komıssııasy 11 ustanymdy qarap, onyń basym bóligin birlesken redaktsııada qabyldady.
