Májilis qylmystyq zańnamany jetildirýge baǵyttalǵan zań jobasyn birinshi oqylymda maquldady
ASTANA. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine qylmystyq zańnamany jetildirý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
Atalǵan qujat Qylmystyq kodekstiń jańa redaktsııasyn ázirleýge, qylmystyq jazalaý túrleriniń, qylmys uǵymynyń túbegeıli túrde ózgertilýine baılanysty ázirlengen bolatyn. Budan bólek, qujat elimizde probatsııalyq baqylaýdyń jetildirilýine, bir bóligi qazirgi tańda qoldanystaǵy Ákimshilik quqyq buzýshylyq týraly kodekste kózdelgen jáne endi qylmystyq-quqyqtyq salaǵa aýystyrylyp otyrǵan qylmystyq quqyq buzýshylyqtar ınstıtýtynyń engizilýine qatysty ózekti bolyp tabylady. «Zań jobasyn qabyldaý, jalpy alǵanda azamattardyń quqyqtary men bostandyqtarynyń, qoǵam men memleket múddeleriniń qylmystyq qolsuǵýshylyqtan tıimdi túrde qorǵalýyn qamtamsyz etedi. Quqyq buzýshylyqtardyń aldyn alý tıimdiligin kóteredi», - deıdi depýtat Nurlan Ábdirov.
