Májilis qujatqa engizilgen túzetýlermen kelisti
ASTANA. 13 sáýir. QazAqparat /Qanat Mámetqazyuly/ Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine ýákiletti memlekettik organdar men Qazaqstan Respýblıkasy Úkimetiniń tekseriletin sýbektilerge qoıylatyn talaptardy
belgileıtin normatıvtik quqyqtyq aktilerdi qabyldaý quzyretterin qaıta qaraý máseleleri boıynsha ózgerister men tolyqtyrýlar engizý týraly» zań jobasyna Senat tarapynan engizilgen ózgeristerdi talqylap, buǵan kelisim bildirdi.
Esterińizge sala keteıik, atalǵan zań jobasy Memleket basshysynyń Úkimet pen basqa da memlekettik organdardyń quzyretterin aıqyndaý jónindegi ókilettikterin shekteýdi joıý maqsatynda ázirlengen. Sonymen birge, qujat qoldanystaǵy zańnamalardy «Qazaqstan Respýblıkasynyń keıbir zańnamalyq aktilerine jeke kásipkerlik máseleleri boıynsha ózgerister men tolyqtyrýlar engizý týraly» 2009 jylǵy 17 shildedegi Qazaqstan Respýblıkasynyń Zańymen engizilgen túzetýlerge sáıkes keltirýdi qarastyrady. Atap aıtqanda, «Jeke kásipkerlik týraly» zańǵa sáıkes memlekettik organdarǵa keıbir normatıvtik quqyqtyq aktilerdi qospaǵanda, jeke kásipkerlik sýbektilerine tekserý júrgizý tártibi máseleleri boıynsha zańǵa táýeldi normatıvtik quqyqtyq aktiler qabyldaýǵa tyıym salynady. Qazirgi ýaqytta «Jeke kásipkerlik týraly» Zańnyń joǵaryda atalǵan talaptaryna qaramastan, keıbir zańdarda kórsetilgen aktilerdi bekitý boıynsha ýákiletti organdardyń quzyretteri bar. Budan basqa «Jeke kásipkerlik týraly» Zańnyń 37-1-babynyń jańa redaktsııasy jeke kásipkerlik sýbektilerine qoıylatyn talaptardy belgileıtin aktilerdiń (zańdar, Úkimet qaýlylary) tizbesin shekteıdi. Sonymen qatar atalǵan zań jobasymen Memleket basshysynyń Úkimet pen basqa da memlekettik organdardyń quzyretterin aıqyndaý jónindegi ókilettikterin shekteýdi joıatyn túzetýler engiziledi.
Májilis joǵary palatadaǵy áriptesteri tarapynan engizilgen usynystarmen tolyq kelisý týraly sheshim qabyldady.
