Májilis quqyq qorǵaý qyzmetin jetildirýge baǵyttalǵan jobaǵa senatorlar engizgen túzetýmen kelisti
TANA. 13 qazan. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine quqyq qorǵaý qyzmetin jetildirý jáne qylmystyq zańnamany odan ári izgilendirý máseleleri boıynsha ózgerister men tolyqtyrýlar engizý týraly» zań jobasyna Senat tarapynan jasalǵan túzetýlerdi qarap, oǵan kelisimderin berdi.
Zań jobasy Qylmystyq kodekstiń birqatar baptarynyń sanktsııalaryndaǵy kópnusqalylyqty azaıtýǵa jáne ekonomıkalyq qylmystar týraly zańnamany izgilendirýge baǵyttalǵan. Sonymen qatar qujat sotta qylmystyq isti júrgizýdi jáne quqyq qorǵaý qyzmetin jetildirý sharalary qarastyrylyp otyr.
Senat depýtattary qujatqa jekelegen máselelerdiń maǵynasyn naqty túsindirý jáne termınderge baılanysty birqatar ózgerister men tolyqtyrýlar engizgen bolatyn. Májilis depýtattary bundaı redaktsııalyq naqtylaý sıpatyndaǵy túzetýlerge kelisimin berdi.
