Májilis «QR memlekettik qyzmeti týraly» Zańǵa QR Prezıdentiniń usynysyn qabyldady
ASTANA. QazAqparat Búgin Májilistiń jalpy otyrysynda palata depýtattary «Qazaqstan Respýblıkasynyń memlekettik qyzmeti týraly» QR Prezıdentiniń qarsylyqtaryn qarady.
Aıta keterligi, buǵan deıin Parlament qabyldaǵan zań Memleket basshysynyń qol qoıýyna joldanǵan bolatyn. Elbasy qujattyń mańyzdylyǵyn atap ótip, oǵan joǵary baǵa bergen. «Jalpy alǵanda Elbasy bul zańǵa qoldaý bildirdi. Biraq, Prezıdent osy zańnyń keıbir talaptary memlekettik apparatty jańartýdyń mindetterine sáıkes kelmeıtinin atap ótti. Ol «memlekettik saıası qyzmette bolý jáne ony toqtatý normasyna» baılanysty bolyp otyr. N. Nazarbaev memlekettik saıası qyzmetkerler memlekettik ákimshilik qyzmetkerlermen birdeı zeınet jasyna jetkende memelkettik qyzmetti toqtatý kerek dep esepteıdi. Bul jerde erekshelik ol ókilettik merzim Konstıtýtsııada, zańdarda bekitilgen tulǵalarǵa, Elbasy sheshimi boıynsha ókilettigin bes jylǵa uzartatyn Prezıdent taǵaıyndaǵan memlekettik saıası qyzmetshilerge baılanysty. Sondyqtan, Elbasy atalǵan zańdy Parlamentke qaıta talqylaýǵa joldap otyr», - dedi QR Prezıdent Ákimshiliginiń basshysy Nurlan Nyǵmatýlın. Prezıdent zańnyń 16-babynyń 1 tarmaǵyn jańa redaktsııada jazýdy, 59-bapty tolyqtyrýdy usynǵan. Osyǵan oraı, Májilis depýtattary Elbasynyń qarsylyqtaryn eńsere almady. Nátıjesinde QR Prezıdentiniń usynysy tolyqtaı qoldaý taýyp, zań Memleket basshysy usynǵan normalar boıynsha qabyldanatyn boldy.
