Májilis Qostanaıdaǵy órt saldarynan zardap shekkenderge bir kúndik jalaqysyn aýdarady
Qostanaı oblysynyń turǵyndary buryn-sońdy bolmaǵan qaıǵyly jaǵdaı – órtke tap boldy. Ókinishke oraı, qaıtys bolǵan adam bar. Júzdegen úıler men óndiristik nysandar qırady. Orman qory men janýarlar álemine úlken zııan keldi.
Qazirgi ýaqytta ýákiletti organdar barlyq qajetti sharalardy qabyldaýda. Memleket basshysy jaǵdaıdy jeke baqylaýda ustap otyr.
Osyndaı aýyr kezeńde barlyq qazaqstandyqtarǵa qostanaılyqtarmen birge bolyp, qoldan kelgenshe kómek kórsetý mańyzdy.
Osyǵan baılanysty Parlament Májilisi Qostanaı oblysynda órt saldarynan zardap shekkenderge bir kúndik jalaqysyn aýdarý týraly sheshim qabyldady.
Májilismender men Apparat qyzmetkerleri marqumnyń týǵan-týystaryna kóńil aıtyp, zardap shekkenderdiń tezirek saýyǵyp ketýin tileıdi.
Foto: J. Jýmabekov
