Májilis komıtetinde Qazaqstan men Frantsııa arasyndaǵy strategııalyq áriptestik týraly shart talqylandy
ASTANA. Aqpannyń 16-sy. QazAqparat /Qanat Mámetqazyuly/ - Búgin QR Parlamenti Májilisi Halyqaralyq ister, qorǵanys jáne qaýipsizdik komıtetiniń keńeıtilgen otyrysy barysynda «Qazaqstan Respýblıkasy men Frantsýz Respýblıkasy arasyndaǵy strategııalyq áriptestik týraly shartty ratıfıkatsııalaý týraly» zań jobasy talqylandy,
dep habarlaıdy QazAqparat.
«Eki memleket arasyndaǵy strategııalyq áriptestik týraly shartqa 2008 jyly maýsymnyń 11-inde QR Prezıdenti N. Nazarbaevtyń Frantsııa Respýblıkasyna resmı sapary barysynda qol qoıylǵan bolatyn. Qujat Qazaqstan tarapynyń bastamasymen «Eýropaǵa jol» memlekettik baǵdarlamasyn iske asyrý sheńberinde ázirlenip otyr. Bundaǵy negizgi maqsat Qazaqstannyń jetekshi Eýropa elderimen strategııalyq áriptestik deńgeıine shyǵý bolyp tabylady», dedi zań jobasy boıynsha baıandama jasaǵan QR Syrtqy ister mınıstriniń orynbasary Qaırat Omarov.
Onyń aıtýynsha, sharttyń negizgi maqsaty 2007 jyly qabyldanǵan Eýropalyq odaq qabyldaǵan stretegııa sheńberinde Eýropalyq odaq pen Ortalyq Azııa arasynda jańa strategııalyq áriptestiktiń iske asyrylýyn qoldaý bolyp tabylady. Sondyqtan da, shartty qabyldaý arqyly eki jaqqa birdeı qyzyǵýshylyq tanytqan ártúrli salalarda ekijaqty yntymaqtastyqqa jańa sapa berý jáne qarym-qatynastardyń quqyqtyq bazasyn nyǵaıtý júzege asady dep boljanady.
Komıtet músheleri zań jobasyna qoldaý bildirip, qujatty palatanyń jalpy otyrysyna shyǵarý týraly sheshim qabyldady.
