Májilis qoǵamdyq uıymdardyń jańa erejesine qatysty qujatty maquldady
«Birinshiden, zań jobasynda maqsatty toptardyń qajettilikterine taldaý jasaý, zerdeleý jáne ÚEU usynystary negizinde memlekettik áleýmettik tapsyrysty qalyptastyrý protsesiniń biryńǵaı tásilderi belgilengen. Qazirgi ýaqytta memlekettik organdar memlekettik áleýmettik tapsyrys taqyryptary men olarǵa jumsalatyn qarjy kólemin qalyptastyrýda túrli tásilder qoldanady. Alaıda maqsatty toptardyń qajettilikteri tıisti deńgeıde esepke alynbaıdy. Qujat ıasynda «Memlekettik áleýmettik tapsyrysty qalyptastyrý» túsinigi engiziledi. Qalyptastyrý protsesi zańǵa táýeldi aktilermen anyqtalatyn bolady jáne turǵyndardyń qajettilikterin esepke alady», - dep atap ótti QR Din isteri jáne azamattyq qoǵam mınıstri Nurlan Ermekbaev.
Onyń sózin qaraǵanda, azamattar men úkimettik emes uıymdar tıisti memlekettik organdarǵa usynystardy jiberý arqyly atalǵan protseske belsendi qatysý múmkindigi zań jobasynda kózdelgen mańyzdy jańalyqtyń biri bolyp tabylady. Úkimettik emes uıymdardyń áleýmettik jobalarynyń iske asyrylýy, memlekettik áleýmettik tapsyrys nátıjelerin baǵalaý týraly aqparat halyqqa qoljetimdi bolady.
«Osylaısha, ýákiletti organnyń ınternet resýrsynda memlekettik organdar iske asyratyn memlekettik áleýmettik tapsyrys taqyryptary jarııalanatyn bolady. Al, barlyq memlekettik organnyń ınternet resýrsynda josparlanatyn jáne iske asyrylatyn memlekettik áleýmettik tapsyrys taqyryptary men iske asyrylý qorytyndylarynyń baǵasy jarııalanady», - dep túsindirdi mınıstr.
Memlekettik áleýmettik tapsyrystyń qalyptastyrylýy boıynsha tolyq nusqaýlyq Memlekettik áleýmettik tapsyrysty qalyptastyrý, nátıjelerin baǵalaý men monıtorıngteý qaǵıdalarynda kórsetiletin bolady.
«Ekinshiden, memlekettik áleýmettik tapsyrys nátıjelerin baǵalaýdy engizý josparlanýda. Ol halyqqa kórsetilgen qyzmet sapasyna qanaǵattaný deńgeıi men joba tıimdiligin anyqtaýǵa múmkindik beredi. Eki kezeńnen turatyn joba aıaqtalǵannan keıin tikeleı baǵalaý júrgiziletin bolady. Birinshi kezeńde aqparat jınaý, al ekinshi kezeńde alynǵan derekterge taldaý júrgiziledi. Joba sıpatyna qaraı baǵalaý ishki (memlekettik organnyń qyzmetkerlerimen) jáne syrtqy (syrtqy sarapshylarmen) bolýy múmkin. Baǵalaýdy ótkizý tetikteri Memlekettik áleýmettik tapsyrysty qalyptastyrý, monıtorıngteý jáne nátıjelerin baǵalaý Qaǵıdalarynda aıqyndalady», -dedi Nurlan Ermekbaev.
Budan bólek, úkimettik emes uıymdar kórsetetin memlekettik áleýmettik tapsyrystyń sapasyna, sharttaryna, mazmunyna biryńǵaı talaptar nemese standarttar, sondaı-aq áleýmettik jobalardy baǵalaý krıterıılerin engizý usynylady.
«Mınıstrlik úkimettik emes uıymdarmen birlesip memlekettik áleýmettik tapsyrys sheńberinde kórsetiletin barlyq qyzmetterdiń túrlerin taldady. Memlekettik áleýmettik tapsyrys standarttarynyń birneshe túri usynylady. Standarttardy engizý - úkimettik emes uıymdardyń memlekettik áleýmettik tapsyrys sheńberinde kórsetetin qyzmetteriniń sapasyn jáne olardyń kásibı daıarlyq deńgeıin arttyrýǵa múmkindik beredi», - vedomstvo basshysy.
Statıstıkalyq málimetterge saı, úkimettik emes uıymdar salasynda 29 myńnan astam adam qamtylǵan. Elimizde ÚEU sektoryn memleket tarapynan qoldaýdyń kelesideı mehanızmderi qalyptasyp, jumys isteıdi, ol: memlekettik áleýmettik tapsyrys, granttyq qarjylandyrý jáne syılyqaqylar.
https://kaz.inform.kz/news/kazakstandagy-ukimettik-emes-uyymdar-29-mynnan-astam-adamdy-kamtyp-otyr_a3139141
