Májilis qoǵamdyq keńesterdiń qyzmetin retteıtin zań jobasyn maquldady
Májilis otyrysynda zańnama jáne sot-quqyqtyq reforma komıtetiniń múshesi Arman Qojahmetov zań jobasy qoǵamdyq keńes ınstıtýtyn odan ári damytyp, barlyq deńgeıdegi memlekettik organdardyń sheshim qabyldaýyna azamattyq qoǵamdy tartý tetikterin jetildirý maqsatynda ázirlengenin málim etti.
Zań jobasyna sáıkes, qoǵamdyq keńestiń qyzmetin materıaldyq-tehnıkalyq jáne qarjylyq turǵydan qamtý – osy qoǵamdyq keńes qurylatyn organǵa bekitiledi.
Qazir óńirlik qoǵamdyq keńester ákimdikterdiń qatysýymen qalyptasyp keledi, bul qoǵamdyq keńes ustanymdarynyń táýelsizdigi men obektıvtiligine belgili bir dárejede kúmán týdyrady.
Osyǵan baılanysty depýtattar qoǵamdyq keńestiń qyzmetin jergilikti deńgeıde uıymdastyrý turǵysynan qamtamasyz etý jónindegi fýnktsııany ákimdik quzyretinen alyp tastaýdy jáne ony máslıhattarǵa bekitip berýdi usyndy.
Osyny negizge ala otyryp, máslıhat hatshysy eńbek zańnamasyna sáıkes eńbek sharty boıynsha tartylatyn qyzmetkerdi derbes aıqyndaıdy, ol qoǵamdyq keńes hatshysynyń mindetterin atqarady.
Depýtattardyń usynysy boıynsha, qoǵamdyq keńestiń múshesi usynylǵan kommertsııalyq emes uıymdy taratý qoǵamdyq keńestiń quramynan merziminen buryn shyǵarýǵa qosymsha negiz bolady.
«Qoǵamdyq keńester týraly alǵashqy zań osydan bes jyl buryn qabyldanǵan bolatyn. Biraq qazir ýaqyt talabyna saı birqatar mańyzdy ózgeris engizilip otyr. Mysaly, endi tek memlekettik organdar emes, kvazımemlekettik sektorda da qoǵamdyq keńes qurylady. Sonymen birge, qoǵamdyq keńes músheleri memlekettik satyp alý jumystaryna qatysady. Osy sııaqty basqa da kerekti túzetýler engizildi. Onyń barlyǵy bılik pen qoǵam arasyndaǵy baılanysty, dıalogty kúsheıtip, jumys sapasyn arttyrýǵa yqpal etedi dep senemiz», - dedi zań jobasy jaıly Nurlan Nyǵmatýlın.
