Májilis Kedendik odaq aıasyndaǵy tarıf stavkalaryna ózgeris engizetin qujatty maquldady
ASTANA. 16 qazan. QazAqparat - Búgin Parlament Májilisiniń jalpy otyrysynda palata depýtattary «2008 jylǵy 12 jeltoqsandaǵy Aıyryqsha jaǵdaılarda Biryńǵaı kedendik tarıftiń stavkalarynan erekshelenetin kedendik ákelý bajdarynyń stavkalaryn qoldaný sharttary men tártibi týraly hattamaǵa ózgerister engizý týraly hattamany ratıfıkatsııalaý týraly» zań jobasy maquldandy.
Atalǵan hattama Biryńǵaı kedendik tarıftiń stavkalarynan erekshelenetin ımporttyq keden bajdaryn birjaqty tártippen qoldanýdyń neǵurlym uzaq merzimin belgileýge múmkindik beredi.
«Eger osyndaı sharalar tarap memleketi ekonomıkasynyń tıisti salasyn damytý úshin qajetti bolyp tabylsa, onda memleketterdiń biri neǵurlym joǵary stavkany qoldana alady. Sondaı-aq, úshinshi elderden dástúrli ımportyna eleýli deńgeıde táýeldi jáne keden odaǵynda mundaı taýarlar óndirisin qanaǵattandyrý múmkin emes ishki naryqtaǵy taýarlardyń asa tapshylyq jaǵdaıynda taraptardyń biri neǵurlym tómen stavkany qoldana alady. Sondaı-aq, mundaı joǵary nemese tómen stavkalardy qoldaný merzimi 2008 jylǵy hattamada 6 aıdan aspaıtyn bolatyn. Degenmen, osy ózgeristerdi engizýde ondaı stavkalardyń qoldaný merzimin barynsha uzartýǵa qol jetip otyr», - dedi Ekonomıka jáne bıýdjetti josparlaý mınıstri Erbolat Dosaev.
