Májilis Keden odaǵynyń veterınarııalyq-sanıtarııalyq sharalarǵa qatysty kelisimdi bekitýdi kózdeıtin zań jobasyn maquldady
STANA. Maýsymnyń 9-y. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen ótken osy Palatanyń jalpy otyrysynda «Keden odaǵynyń veterınarııalyq-sanıtarııalyq sharalar jónindegi kelisimin ratıfıkatsııalaý týraly» zań jobasy maquldandy,
dep habarlaıdy QazAqparat.
Depýtattar aldynda atalǵan kelisim týraly QR Aýyl sharýashylyǵy mınıstri Aqylbek Kúrishbaev baıandama jasady. Mınıstrdiń aıtýynsha, 2009 jylǵy jeltoqsannyń 11-inde Sankt-Peterbor qalasynda EýrAzEQ Memleketaralyq Keńesiniń májilisi barysynda Keden odaǵynyń veterınarııalyq-sanıtarııalyq sharalar jónindegi kelisimi qabyldanǵan.
Bul Kelisim Keden odaǵynyń veterınarııalyq-sanıtarııalyq qaýipsizdiginiń biryńǵaı júıesin qurýǵa jáne veterınarııalyq-sanıtarııalyq talaptar men sharalardy qoldaný salasynda kelisilgen saıasat júrgizýge múmkindik beredi, bul Keden odaǵynyń aýmaǵyn janýarlardyń juqpaly aýrýlary qozdyrǵyshtarynyń ákelinýinen jáne taralýynan qorǵaýdy ári ekonomıkalyq shyǵyndy azaıtýdy qamtamasyz etedi, sondaı-aq veterınarııalyq-sanıtarııalyq baqylaýǵa jatatyn ónimniń halyqaralyq saýdasyndaǵy kedergilerdi joıýǵa múmkindik beredi.
Keden odaǵyn qalyptastyrý keden odaǵyna múshe memleketterdiń Keden odaǵynyń kedendik aýmaǵyna janýarlardyń, onyń ishinde adam men janýarlarǵa ortaq juqpaly aýrýlar qozdyrǵyshtarynyń jáne veterınarııalyq talaptarǵa sáıkes kelmeıtin taýarlardyń (ónimderdiń) ákelinýinen jáne taralýynan qorǵaýdy qamtamasyz etý maqsatynda keden odaǵynyń veterınarııalyq qaýipsizdiginiń biryńǵaı júıesin qurý jáne veterınarııalyq-sanıtarııalyq talaptar men sharalardy qoldaný salasynda kelisilgen saıasat júrgizý qajettiligin talap etedi.
Jalpy otyrysta Májilistiń Halyqaralyq ister, qorǵanys jáne qaýipsizdik komıtetiniń múshesi Ermuhanbet Omarov qosymsha baıandama jasap, zań jobasynyń jumys tobynda talqylaný barysy jóninde aıtyp berdi.
