Májilis Keden odaǵynyń ósimdikter karantıni týraly kelisimine engizilgen ózgeristerdi maquldady
ANA. 29 jeltoqsan. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «2009 jylǵy 11 jeltoqsandaǵy Keden odaǵynyń ósimdikter karantıni týraly kelisimine ózgerister engizý týraly hattamany ratıfıkatsııalaý týraly» zań jobasyn maquldady.
Hattama Keden odaǵynyń kedendik aýmaǵynan karantınge jatqyzylǵan ónimdi áketý kezinde karantındik fıtosanıtarııalyq baqylaý sharasy ósimdikter karantıni salasyndaǵy Taraptar memleketteriniń halyqaralyq mindettemelerine jáne el zańnamalaryna sáıkes júzege asyrylatyny aıqyndalady. Qujatqa sáıkes, Keden odaǵynyń kedendik aýmaǵyna ákelinetin karantınge jatqyzylatyn ónim men ondaı oryn Tarap memleketiniń fıtosanıtarııalyq talaptaryna sáıkes kelýi tıis. Bul rette fıtosanıtarııalyq resmı aqparatty Taraptardyń ýákiletti organdarynyń resmı saıttarynda, EýrAzEQ-tyń aqparattyq júıesinde, Keden odaǵynyń yqpaldasqan syrtqy jáne ishki ózara saýdasynyń aqparattyq júıesine ornylastyrý qamtamasyz etiledi.
Májilis maquldaǵan zań jobasy Parlament Senatyna jiberiledi.
