Májilis Keden odaǵynyń komıssııasy týraly shartqa ózgerister engizýge qatysty zań jobasyn maquldady
TANA. 14 qyrkúıek. QazAqparat /Aıdar Ospanalıev/ - Búgin Parlament Májilisiniń jalpy otyrysynda depýtattar «2007 jylǵy 6 qazandaǵy Keden odaǵynyń komıssııasy týraly shartqa ózgerister men tolyqtyrýlar engizý týraly hattamany ratıfıkatsııalaý týraly» zań jobasyn maquldady.
Otyrys barysynda atalmysh qujat boıynsha baıandama jasaǵan QR Syrtqy ister mınıstriniń orynbasary Qaırat Sarybaıdyń aıtýynsha, atalmysh hattama 2010 jylǵy 9 jeltoqsanda Máskeýde Keden odaǵyna qatysýshy memleketter arasynda jasaldy. Hattamanyń birinshi babyna sáıkes Keden odaǵynyń jáne onyń organdarynyń tıimdi jumys isteýin qamtamasyz etý maqsatynda Keden odaǵynyń komıssııasy jekelegen máseleler boıynsha taraptardyń usynystaryn qaraý men ustanymdaryn kelisý, sondaı-aq tıisti komıssııaǵa usynymdar daıarlaý úshin úılestirýshi jáne konsýltatıvtik organdar qurýǵa quqyly.
Sondaı-aq hattamanyń ekinshi babyna sáıkes komıssııanyń mindetti sıpaty bar sheshimderi resmı jarııalanǵan kúnnen bastap kúntizbelik 30 kún ótken soń kúshine enedi.
Zań jobasyn otyrys barysynda depýtattar biraýyzdan qoldady.
