Májilis Keden odaǵy aıasynda taýarlardyń qunyn aıqyndaýdyń durystyǵyn baqylaýǵa arnalǵan kelisimdi maquldady
ng>4-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Keden odaǵynyń kedendik shekarasy arqyly ótkiziletin taýarlardyń qunyn aıqyndaýdyń durystyǵyn baqylaýdy júzege asyrý tártibi týraly kelisimdi ratıfıkatsııalaý týraly» zań jobasyn maquldady.
Endi qujat Parlament Senatyna jiberiledi, dep habarlaıdy QazAqparat.
Zań jobasy boıynsha Eýrazııalyq ekonomıkalyq qoǵamdastyq sheńberinde Keden odaǵynyń kedendik shekarasy arqyly ótkiziletin taýarlardyń kedendik qunyn aıqyndaýdyń durystyǵyn baqylaýdy júzege asyrýdyń negizgi erejeleri aıqyldalady. Bul rette taýarlardyń qunyn baqylaýdy taýarlardy kedendik rásimdeý kezinde de, taýarlardy shyǵarǵannan keıin de Keden odaǵyna qatysýshy memleketterdiń keden organdary júzege asyratyn bolady. Sonymen birge, kelisim boıynsha taýarlardyń kedendik qunyn túzetý jáne tóleýge jatatyn kedendik bajdardy, salyqtardy qaıta esepteý Keden odaǵyna qatysýshy memleketterdiń halyqaralyq sharttarynda belgilengen tártippen júzege asyrylady. Al bundaı sharttar kúshine engenge deıin memleketterdiń árqaısysynyń zańnamasynda belgilengen tártippen júzege asady. Sondaı-aq zań jobasy kedendik quqyqtyq qatynastardy retteıtin halyqaralyq sharttardy ázirleýge septigin tıgizedi.
Kelisimge Qazaqstan, Belarýs jáne Reseı Úkimetteri arasynda 2008 jylǵy jeltoqsannyń 12-sinde Máskeý qalasynda qol qoıylǵan.
