Májilis Keden odaǵy aıasynda taýarlardyń damýshy jáne az damyǵan elderden shyǵarylǵanyn aıqyndaý týraly kelisimdi maquldady
qpannyń 24-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Taýarlardyń damýshy jáne az damyǵan elderden shyǵarylǵanyn aıqyndaý erejesi týraly kelisimdi ratıfıkatsııalaý týraly» zań jobasyn maquldady.
Endi qujat Parlament Senatyna jiberiledi, dep habarlaıdy QazAqparat.
Keden odaǵy aıasyndaǵy osy kelisimniń maqsaty memleketterdiń biryńǵaı kedendik aýmaǵynda damýshy jáne az damyǵan elderden shyǵarylatyn taýarlarǵa qatysty aıqyndaý erejesin qoldaný bolyp tabylady. Bul rette damýshy jáne az damyǵan elderdiń tizbesi taraptar arasyndaǵy jeke kelisimmen belgilenetin bolady.
«Sonymen birge, qujat Qazaqstan men Keden odaǵy elderi preferentsııalarynyń jalpy júıesi sheńberinde halyqaralyq mindettemeleri jáne anyqtamasy boıynsha taýardyń shyǵarylǵany týraly deklaratsııa, sertıfıkattaryn rásimdeý talabyn oryndaýǵa quqyqtyq negiz bolyp tabylady. Taýarlardyń damýshy jáne az damyǵan elderden shyǵarylǵanyn aıqyndaý erejesi Kelisimniń ajyramas bóligi bolyp otyr. Bul ereje tek qana úshinshi elderden shyqqan taýarlarǵa qatysty qoldanylatyn bolady. Jalpy, kelisimderdi ratıfıkatsııalaý teris ekonomıkalyq-qarjylyq saldarǵa ákep soqtyrmaıdy», dedi zań jobasy boıynsha baıandaǵan Qarjy mınıstri Bolat Jámishev.
