Májilis Qazaqstan men Reseı arasyndaǵy áskerı yntymaqtastyq týraly qujatty maquldady
Atalǵan shart 2020 jylǵy 16 qazanda Nur-Sultan qalasynda jasaldy. Bul qujat ratıfıkatsııalanǵannan keıin 1994 jylǵy 28 naýryzdaǵy Qazaqstan Respýblıkasy men Reseı Federatsııasy arasyndaǵy áskerı yntymaqtastyq týraly qoldanystaǵy shart óz kúshin joıady.
«Shartqa eki memleket arasyndaǵy áskerı yntymaqtastyqty jandandyryp, ony odan ári damytý maqsatynda qol qoıylǵanyn atap ótken jón. Bul rette 1994 jylǵy jasalǵan sharttyń erejeleri ýaqyt bolmysyna qaraı eskirgen, sondaı-aq olar iske asyrylǵan. Qujatty ratıfıkatsııalaý qaýipsizdikti qamtamasyz etý múddesinde áskerlerdi (kúshterdi) qoldanýdy birlesip josparlaý jáne óńirlik qaýipsizdikke tónetin syn-qaterge birlesip qarsy áreket etý, sondaı-aq halyqaralyq uıym, mádenıet, sport aıasynda ózara árekettesý jáne basqa baǵyttarda áskerı yntymaqtastyq jasaýǵa múmkindik beredi. Reseı Qazaqstannyń strategııalyq áriptesi», - dedi Qorǵanys mınıstriniń orynbasary Daryn Tuıaqov.
Onyń aıtýynsha, shartty ratıfıkatsııalaý memleketterdiń qorǵanys qabiletin nyǵaıtý, qazirgi zamanǵy syn-qaterlerge qarsy is-qımyl jasaý boıynsha úılesimdi áreket etýdi uıymdastyrý baǵytynda birlesip jumys isteýge qosymsha serpin beredi.
