Májilis Qazaqstan men Chehııa arasyndaǵy qosarlanǵan salyqty boldyrmaý týraly kelisimdi maquldady
ASTANA. QazAqparat - Búgin Májilistiń jalpy otyrysynda palata depýtattary «Qazaqstan Respýblıkasy men Cheh Respýblıkasy arasyndaǵy Tabys pen kapıtalǵa salynatyn salyqqa qatysty qosarlanǵan salyq salýdy boldyrmaý jáne salyq tóleýden jaltarýǵa jol bermeý týraly konventsııaǵa ózgerister men tolyqtyrýlar engizý týraly hattamany ratıfıkatsııalaý týraly» zań jobasyn maquldady.
Atalǵan hattamaǵa 2014 jyly 24 qarashada qol qoıylǵan. Hattamamen Qazaqstan men Chehııa arasyndaǵy Tabys pen kapıtalǵa salynatyn salyqty boldyrmaý týraly konventsııaǵa ózgerister engiziledi. Atap aıtqanda, konventsııadaǵy salyq túrlerin naqtylaý kózdelip otyr. Bul rette salyq qyzmetteri arasynda yntymaqtastyqty keńeıtý maqsatynda Hattamamen aqparat almasý jáne qosarlanǵan salyq salýdy boldyrmaý sııaqty birqatar ortaq máseleler boıynsha túzetýler engiziledi.
«Aldyńǵy jyly Qazaqstan men Chehııa arasyndaǵy taýar aınalymy 443 mln dollardy boldy. Onyń ishinde eksport 96 mln al ımport 357 mln dollardy qurap otyr», dedi Qarjy mınıstri Baqyt Sultanov.
Májilis maquldaǵan zań jobasy Senatqa joldanady.
