Májilis Qazaqstan men BAÁ-niń basym salalardaǵy jobalarǵa qatysty qujatty talqylaıdy

NUR-SULTAN. QazAqparat – Parlament Májilisi «QR Úkimeti men BAÁ Úkimetiniń basym salalardaǵy jobalardy damytýǵa arnalǵan uzaq merzimdi strategııalyq áriptestik qurý týraly birlesken deklaratsııasyn ratıfıkatsııalaý týraly» zań jobasyn qaraıdy, dep habarlaıdy QazAqparat tilshisi.

Búgin palatanyń jalpy otyrysynda Májilistiń Ekonomıkalyq reforma jáne óńirlik damý komıtetiniń tóraǵasy, depýtat Albert Raý atalǵan qujat energetıka men kólik-logıstıkalyq, aýyl sharýashylyǵy salalaryna tikeleı shetel ınvestıtsııasyn tartýǵa baǵyttalǵanyn atap ótti.

«Komıtet atalǵan zań jobasy boıynsha qorytyndy ázirleýge daıyn», - dedi Albert Raý.

Budan buryn habarlanǵandaı, QR Parlamentiniń depýtaty Dúısenbaı Turǵanov Birikken Arab Ámirlikterimen ınvestıtsııalyq yntymaqtastyqty damytýǵa qatysty pikir bildirdi.

D epýtat elektr energetıkasy ınvestıtsııalyq yntymaqtastyqtyń negizgi baǵyttarynyń biri bolyp sanalatyn Birikken Arab Ámirlikterimen úkimetaralyq kelisim Qazaqstan úshin úlken basymdyqtardy qamtıtynyn atap ótti.