Májilis Kaspıı teńizindegi tótenshe jaǵdaılardyń aldyn alýǵa baǵyttalǵan kelisimdi maquldady
ASTANA. QazAqparat - Búgin Parlament Májilisiniń jalpy otyrysynda «Kaspıı teńizinde tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkatsııalaý týraly» zań jobasy maquldandy.
Atalǵan kelisimge Kaspıı mańyndaǵy memleketter basshylarynyń tórtinshi sammıtinde 2014 jylǵy 29 qyrkúıekte Astrahan qalasynda qol qoıylǵan.
QR Іshki ister mınıstri Qalmuhanbet Qasymovtyń aıtýynsha, kelisim Kaspıı teńizindegi tabıǵı jáne tehnogendik sıpattaǵy tótenshe jaǵdaılardyń zııandy saldaryn azaıtýǵa, sondaı-aq taraptardyń qutqarý qurylymdarynyń qyzmetin budan ary damytý men jetildirýge múmkindik beredi.
«Atalǵan kelisimniń kúshine enýi basqa taraptar memleketine qatysty tótenshe jaǵdaılar týyndaǵany týraly habarlar berýge múmkindik jasaıdy. Tótenshe jaǵdaılar boıynsha boljaýlar jasaý salasynda tájirıbe almasý kózdeledi, qaýip týyndaǵan jaǵdaıǵa turǵyndardy, azamattyq qorǵanys salasyndaǵy mamandardy daıarlaýǵa jol ashady. Kaspıı teńizindegi tótenshe jaǵdaılardy joıý kezinde qysqa merzimde kómek kórsetýge múmkindik beredi», - deıdi Q. Qasymov.
Májilis maquldaǵan zań jobasy Parlament Senatyna joldanady.
