Májilis «Kásiptik odaqtar týraly» zań jobasyn óndiriske aldy
ASTANA. 16 qazan. QazAqparat - Búgingi Parlament Májilisiniń jalpy otyrysynda depýtattar «Kásiptik odaqtar týraly» zań jobasyn jumysqa aldy.
Óndiriske alynǵan zań jobasy kásipodaq qozǵalysyndaǵy tikeleı baılanys ulttyq, salalyq jáne óńirlik deńgeılerde qabyldanatyn sheshimderdi tómengi satylarǵa jetkizýdi jáne oryndaýdy qamtamasyz etedi. Sondaı-aq qyzmetkerlerdiń basqarýshy kásipodaq organdarymen jáne olardyń birlestikterimen keri baılanys jasaýyna múmkindik beredi.
«Zań jobasynyń maqsaty eńbek jáne áleýmettik-ekonomıkalyq qatynas quqyqtary men jumysshylar múddesin qorǵaý úshin kásiptik odaq qozǵalystarynyń uıymdastyrý negizin aıqyndaý bolyp tabylady. Áleýmettik áriptestiktegi kásiptik odaqtardyń róli artyp, áleýmettik eńbek daýlaryn sheshýdi eskertý máselelerin jetildirý sharalary qamtylmaqshy. Budan bólek, memlekettik organdar jáne jumys berýshiler arasynda tıimdi qaǵıdattar qarastyrylady», - deıdi zań jobasy boıynsha túsinik bergen Gúlnar Yqsanova.
Onyń aıtýynsha, zań jobasy kásipodaq qozǵalystarynyń satyly úlgisin júzege asyrýǵa quqyqtyq negiz qalyptastyrady.
