Májilis Kásipkerlik kodeks jobasyn jumysqa aldy
ASTANA. QazAqparat - Búgin Parlament Májilisiniń jalpy otyrysynda palata depýtattary Qazaqstan Respýblıkasynyń Kásipkerlik kodeksiniń jobasyn jumysqa aldy.
«Kásipkerlik kodeksiniń jobasy kásipkerlik sýbektileri men memlekettiń ózara is-qımyly úshin memlekettik retteý jáne kásipkerlikti qoldaý salasyndaǵy zańnamany jetildirý baǵytynda ázirlengen. Jalpy osy kodeks jobasynyń sheńberinde kásipkerlik qyzmetti retteýge qatysty qoldanystaǵy 12 zańǵa ózgerister engiziledi. Qujatqa qorytyndy ázirleýge daıynbyz», - dedi Májilistiń Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetov.
Eske sala keteıik, buǵan deıin Elbasy N. Nazarbaev Úkimetke atalǵan kodeks jobasyn ázirleýdi tapsyrǵan bolatyn.
«Bızneske yńǵaıly bolýy úshin Kásipkerlik kodeksi jobasynda kásipkerlik qyzmetti memlekettik retteý týraly zańdardyń barlyq normalary shoǵyrlandyrylýy qajet. Ekonomıkalyq yntymaqtastyq jáne damý uıymy elderinde qabyldanǵan rettegishtik áser etý qaǵıdalary osyndaı zańnamamen bekitiletin bolady», - degen edi Memleket basshysy.
