Májilis qaraýyna tabıǵı monopolııa sýbektileri qyzmetiniń ashyqtyǵyn arttyratyn zań jobasy tústi
ASTANA. QazAqparat - Búgin QR Parlamenti Májilisinde «Tabıǵı monopolııalar jáne retteletin naryqtar máseleleri boıynsha QR-nyń keıbir zańnamalyq aktilerine ózgertýler men tolyqtyrýlar engizý týraly» zań jobasynyń tanystyrylymy ótti.
«Zań jobasy tutynýshylar aldyndaǵy tabıǵı monopolııa sýbektileriniń jarııa tyńdaýlary men jylsaıynǵy esebin ótkizý tetikterin jetildirýdi, tabıǵı monopolııalar sýbektileriniń ınternet-resýrstarynda ne bolmasa ókiletti organdardyń veb-saıttarynda jeliler júktemesiniń artýy, qýattylyǵy jáne ótkizý múmkinshiligi jaıynda, ınvestıtsııalyq baǵdarlamalarynyń oryndalýy, tarıftik smeta týraly aqparattardy mindetti túrde ornalastyrýdy qarastyrady», - dedi zań jobasyn tanystyrǵan QR Ulttyq ekonomıka birinshi vıtse-mınıstri.
Sonymen qatar qujatta tabıǵı monopolııa sýbektilerine elektrondy nysanda ótinim berý, múmkindigin bere otyryp, ókiletti organdarmen ótinimderdi qaraý jáne sheshim qabyldaý protsedýralaryn jeńildetý kózdelgen.
«Sondaı-aq óńirlik energetıkalyq kompanııalardy qospaǵanda basqa sýbektilerdiń aǵymdyq jóndeý jumystaryna jáne ózge de jóndeý-qalpyna keltirý jumystaryna jumsalatyn jyldyq shyǵystar smetasyn kelisý tártibin bekitý qarastyrylady», - dedi M.Qusaıynov.
